EARLY BLIGHT

Cadowga Solanaceous

🔍 Waa maxay Early Blight?

Early Blight waa cudur fangas ah oo ay keento *Alternaria solani*. Wuxuu ku dhacaa caleemaha, jiridda, iyo miraha Tamaandhada iyo Baradhada. Wuxuu inta badan ka bilaabmaa caleemaha hoose ee duuga ah.

1. Aqoonsiga (Target Spots)

Calaamadda ugu muhiimsan ee lagu garto Early Blight waa qaabka dhibcaha ay caleenta ku reebto.

**Concentric Rings:** Dhibcaha cudurku waa bunni madow, waxayna leeyihiin wareegyo isku dhex jira oo u eg bartilmaameedka (bullseye). Hareeraha dhibicda waxaa badanaa ku yaal midab jaalle ah (halo).

**Halka uu ka bilaabmo:** Caleemaha ugu hooseeya ee dhulka u dhow.
**Faafitaanka:** Wuxuu kor ugu kacaa geedka isagoo caleemaha ka dhiga kuwo qallalay oo u muuqda inay gubteen.

2. Saamaynta Miraha iyo Jiridda

⚠️ Fruit Rot: Miraha tamaandhada waxay ku dhashaan nabaro madow oo hoos u qodan (sunken), ugana dhow dhinaca jiridda. Maqaarku wuxuu noqdaa mid adag oo u eg harag (leathery).

Jiridda geedka (stem) waxaa ku dhasha nabaro dhaadheer oo madow, kuwaas oo geedka ka dhigi kara mid si fudud u jaba ama daciifa (Stem cankers).

3. Ka Hortagga (Cultural Control)

Fangasku wuxuu ku dhex noolaadaa carada iyo haraaga geedihii hore muddo hal sano ah.

**Mulching:** Dabool carada hareeraha geedka si aad uga hortagto in biyaha roobku ay carada iyo fangaska kor ugu soo tuuraan caleemaha.
**Crop Rotation:** Ha ku beerin Tamaandho ama Baradho meeshii hore loogu beeray ugu yaraan 2-3 sano.
**Pruning:** Ka saar caleemaha hoose si hawadu u marto, qoyaankuna u yaraado.

4. Daaweynta Kiimikada

Marka cudurku soo muuqdo, isticmaal fungicides si aad u xakamayso:

Maaddada	Magaca Caanka ah	Nooca
Mancozeb	Dithane M-45	Contact (Ka hortag)
Chlorothalonil	Bravo	Contact (Ka hortag)
Azoxystrobin	Amistar / Quadris	Systemic (Daaweyn)
Copper Hydroxide	Kocide	Organic-based contact

GUNAANAD

Early Blight waa cudur la maarayn karo haddii kormeerka la bilaabo toddobaadyada hore ee koritaanka. Sirta guusha waa "Prevention" (Ka hortag) intaan cudurku gaarin miraha. Had iyo jeer waraabi salka geedka si aad caleemaha u engejiso.

DHAMAAD

Diyaariye: Elmi24academy